薑，果然越老越辣
今日熱到發瘟，自己一個去去天水圍追貓魚，可惜失敗收場，加上釣到M巾，所以轉場轉下手氣。去到大欖涌河口已四點，見到已有三位伯伯釣緊，我都出動瀕死魚，包鉛魚，minnow追擊鱸魚，殊不知完全無市場，偏偏旁邊三位伯伯定過抬油，輪住起星鱸同釘公。一位伯伯中星鱸後問我有無撈機，佢話子線太幼，怕斷，我仗義請伯伯玩多陣，玩到佢無力我幫手鈎魚，估佢吾到條起碼兩斤既星鱸早就比伯伯玩到半反肚，一埋邊我就幫手鈎，咁吾算打龜呱，哈哈哈
另一位伯伯仲堅，冇撈機佢一抽魚上礁石然後爬落去攞魚，危險性十足，果然高手
最後一位伯伯，我問佢做咩吾去追下星鱸，佢話人地霸左地盤，費事打交咁話，但這位伯伯都係釘公釘不停。
到7點，長袖都比蚊咬，閃人，下次再戰星鱸 多謝分享！
頁:
[1]