2013前打回顧
2013年算係玩前打既第二年,亦係所謂禁拖網既一年,高期望之下結果往往都係失望不過今年都爆過魷魚仔,好多人釣到手軟,另外維港爆細鱗,係唔係禁網既效果就唔知啦,岸邊就冇好轉
6月開始個天唔多鍾意我,星期六日都係落雨多,夏天時出動既日子比較少
7-8月咬況比較穩定,雨水依然多,釣到唔少20級火點,反而上年好多既一年斑仔就冇乜,今年大左游走晒定係上年比我釣過醒目左呢...
9-10月入左波紋影,轉去碼頭直壆玩,有幾條30級魚中下,好多都係第一次釣到既魚種,另加40級傻佬一隻,火點依然活躍,其實非常疏口,純運氣搭救...
11月就龜氣甚重,到12月再執G4征戰石壆,終於止龜,12月尾天氣轉冷,boxing day以一條40傻佬始束2013年...
總結打龜率都超過50%,而前打目標魚係一條都未中過既....
今年釣到嘅魚好似少過舊年。 FELIX009 發表於 27/12/2013 22:17
今年釣到嘅魚好似少過舊年。
係呀,今年感覺上疏口過上年,經常釣到發晒呆,我算係有D運仔,中左幾條見得下人,其實都冇乜見附近D人中魚
頁:
[1]