船釣小船竿使用疑問
因小弟怕燒手又怕滿地漁絲攪到炒晒粉, 所以船釣時比較喜歡用小船竿. 昨天主線用2.5布線, 4號陀, 腳用5號碳線2尺.初時都幾好釣, 但好快就出現問題. 見好耐無魚食餌就收上嚟睇吓, 見腳線與主線炒埋, 咁就只好解開再繼續釣, 但之後差唔多下下都炒, 最後我只好改用手絲.
請問各位我釣組係咪有問題? 可以點樣避免炒粉情況?
師兄, 你嘅情況, 主要係因為鉛重, 所以落餌時, 鉛比餌落得快, 釣組形成V字, 繼而打轉所造成,
解決辦法:
1. 使用較輕鉛
2. 將釣組拋出, 使釣組打橫落水, 減低做成V字機會
3. 放絲時, 可用手襟杯, 減慢出絲速度, 使釣組唔會因落得太快而成V字
4. 若情況未得以改善, 可考慮用天秤, 使帶腳同主絲形成距離, 避免2絲糾纏 Thank you 師兄!
其實第2及第3我都有試過, 不過可能拋唔夠出及減度不足, 情況都無嘜改善, 下次再試吓.
而天秤有無邊隻可推介呢? 改釣組做重鉛壓底應該ok 唔多明... 重鉛壓底即係改為波子壓底? 但我係PE主喎, 我都試過用碳絲直出但係用係橫鉸D絲捲曲得好嚴重所以先用PE主碳腳. 師兄
你粒鉛係唔係尖向上??
PE有冇駁LEADER 定係就甘駁零圈?
你炒果時係唔係行流??
你手絲同埋同竿既釣組/落水方法/搖餌方法 有咩唔同??
頁:
[1]